صور خواتيمي من الاحجار الكريمه تعالو شوفو انواعهم وفايدتهم }..

[فراولة]

اللهم صل على محمد وآل محمد وعجل فرجهم يا كريم
مرحبا
هي هوايه استهوتني من تقريبا سنتين اول ما كنت مفتكره في اشي اسمه احجار كريمه ولا شي والموضوع رايح عن بالي بس بعدين قمت اقرأ واشوف اختي وزوجها كل عندهم قمت بحثت وشفت فيهم فوائد وااجد وعالم عجيب ومن اهني انحديت عليهم وصرت اخد ليي والحين قلت بخلي صور الاحجار اللي عندي وبخلي فوائدهم ...
هو اكيد البعض والكل عنده المعرفه بس بنفيد اللي مادخل هالعالم خخ
يللا الحين بخلي لكم صور الاحجار اللي عندي مع بعض



والحين نجي ليهم واحد واحد ونعرف فوايدهم
اول شي



فيروز نيشابوري }..



عن أبا عبد الله أنه قال: " ما أفتقرت يد تختمت بالفيروز " واسمه بالفارسيه النصر .

· ينفي الفقر وهو طلسم للوقاية من الأخطار يقي لابسه من الموت الشنيع وإذا نقش عليه ( رب لاتذرني فردا وأنت خير الوارثين ) يفيد لإنجاب الذكور .



حجر القمر }..



يعتقد بأنه يقوي القدرات الجنسية وينشط الإخصاب عند الإنسان ويعالج العقم للجنسين.
- ذو تأثير فعال في معالجة المشاكل الهرمونية وخاصة عند النساء.
- له قدرة متميزة على معالجة مشاكل النمو عند الإنسان.
- يعمل على تحقيق التوازن والتناغم.
- يقوي الثقة بالنفس.
- يمنع الحيرة والتردد.
- يخلص من الخوف واليأس.
- مضاد للحزن والكرب والاكتئاب.
- يقاوم التوتر والاضطراب والضغوط النفسية.
- يبعد الكوابيس المزعجة.
- يبعث على الطمأنينة ويعيد الهدوء والسكينة إلى الإنسان.
- نافع للصرع.
- يقي من خفقان القلب.
- يعالج الأمراض الكلوية.
- يمنع انحباس السوائل في الجس




حرز سليماني }..

>>>هذا انكسر من عندي مادري شلون ماشفت الا فيه كسره واخدت واحد غيره بعدي ما سويته خخخخ



هذا حرز وتحصين من الجن والانس يستعمل لمريض المتعافي او الخارج من مرض ما ويخاف ان يرجع اليه الجن او تصيبه العين .



خاتمين فيهم مجموعه من الاحجار منها حجر

صيني وياقوت وزمرد }..



تختموا بالياقوت فإنها تنفي الفقر " يسهل قضاء الحوائج ويقوي القلب ييسر أسباب المعاش يسهل قضاء الحوائج ويدفع السم ويقوي القلب ويورث لابسه المهابه , والوقار
أنواعه الأحمر ,الأصفر ,الأكهب ,الأخضر ,الأبيض ,الأسود
حجر( الزمرد)عن الرسول أنه قال : " التختم بالزمرد ينفي الفقر " وهو أثمن الأحجار بعد الألماس
حجر (الحديد الصيني)في المناقب أنه كان للإمام علي خاتم حديد صيني لقوته .. يسهل الولادة , وإذا خفت أذي أحد من الناس فألبسه , ومن تصيبه عين فإنها تزول



خاتم فص اسود شفته وعجبني بس مادري شنو اسمه خخخخ






عقيق يماني }..

>>>هذا الخاتم احبه وارتاح له فيه داخل تربة الامام الحسين



عن الرسول قال :" من تختم بالعقيق قضيت حوائجه "

· ينفي الفقر والنفاق , ولقضاء الحوائج وهو أمان في السفر ,وتيسير الأمور ,وطرد الأحلام المزعجة ,يضفي على حامله الصحة ويزيل الأحزان .



در نجفي }..



حجر( الدرالنجفي)الناظر إليه كالناظر لوجه رسول الله وعلي بن أبي طالب , وبه يطر ويرد كيد الشياطين



اخرشي هدلين حق اولادي حرز الامام الجواد عليه السلام ادعوا لهم بالهدايه




وانشاءالله اي حجر جديد اخده بخليه..
اذا عجبكم الموضوع قيموني


هالموضوع كنت مخليتنه في منتدى حواء ستايل وحبيت اني اخليه هني بعد
عباره توام خخخخ

[الــــهاشميه]

فراووله رووووووووعه..ننتظر اي خاتم جديد اتضمينه للمجموووعه

[فراولة]

يسلمو هاشميه عالمرور
ان شاء الله بكون متجدد الموضوع
من اخد او احصل خخخ خاتم برزه اهنيي ههههه

[همسات]

ما شالله على الهوايه اللي عندش
عليش بالعافيه بالمجموعه الحلوه
عجبني الدر النجفي

[قمر الوردي]

ما شاء اللة عجبوني الخواتم واشوة جفت خاتمش علي الطبيعة بس صدددق مفعولة قوي ؟؟؟ خبرينا وعلما اعتقد الخاتم ما يناسب علي كل شخص ؟؟؟؟

مرة زوجي اخذ لية خاتم من العراق من جااابة جاب الخيرر وياة وبعدين رفيق زوجي عجبة الخاتم وعطاة وياة والخاتم ما ناسبة وسوة لية بلااااوي وبعدين فلت الخاااتم ...

[فراولة]

همسات يسلمو عالمرور

قمر اشوه شفتينه على الطبيعه هههههه
امممم هو يناسب البعض مو كل الناس يعني
وفي ناس يقولون
اول ما تاخدون الخاتم تخلونه تحت المخدده وتنامون
وعلى حسب الحلمه تشوفين اذا يناسبش او لا
يعني اذا كانت احلام حليوه لو مزعجه
اني مره نمت بخاتم النبي سليمان وحلمت بالجن خخخخخخخخ
عباره النبي سليمان مرتبط بالجن قصته يعني
وهو عادة اللي قلبه رقيق خخ ولا يتحمل ما يقدر يتحمل مفعول الاحجار
على حسب الشخصيه يعني

[‏أم هادي]

الحجر الصيني من الأحجار اللي ينصحوا المراءة إنها ما تلبسها (لأنه يقسي القلب) وبعد مدري وش قريت عنه،،،

ولاحظت لما لبسته فترة أحس كله متضايقة وأشوف أحلام وقلب نفسيتي مرة، حتى فكرت أبيعه لأني ما حبيت أرميه، وهذا صار له تقريباً أكثر من أربع سنوات ما لبسته

[ترانيم الملكوت]

بالعافيه عليش فراوله

[فداء]

السلام عليكم

موضوع اكثر من رائع

كان عندي خاتم نيشابوري من ايران ونقشته كانت كلش حليوة مثل الشجرة صاير اللون البني على الازرق, وللأسف ضاع كل من شافه عليي عجبه لما اختفى مرة وحدة.
وبالنسبة عن العقيق عندي اياه من زمان ولا البسه بعد من ايران بس مشترينه من المعرض من سنين
وعندي حجر لونه رصاصي حليو يشبه فص خاتم حرز سليمان الله عندش اياه, ووراه منقوش حرز بعد بلايراني ماخذتنه ولكن استغفر الله لما البسه احس بشيء يخوف ما ادري ليش حتى كنت البسه يازعم وادخل قاعات الامتحان وارسب ههههههه على ايام جامعة البحرين

اذا عندكم معلمومات اكثر افيدونا ليش بعض الاحجار الكريمة تناسب ناس وناس
مرة بحثت عن هالمواضيع ودخلت منتديات روحانية ما ادري ويش وخفت من هالمنتديات شكلهم يحضرون جن خخخخ ولا فيه اشياء تخوف يقولها شلون ننقي الحجر الكريم ينقعه في ماي وريد ما اري ويش وهالكلام كله خفت منه وانسحبت من هالعالم الغريب, بس الزبدة اللي كنت اذكره ممكن يكون عندي في البيت حجر كريم ماينفعني وقد يضرني وهذا اللي يخوف في الموضوع..

[فراولة]

فداء خخخ
الحين اني الا خفت مو انتين هههههههه
من هالحجي الا قلتينه خخخ
امم ادري بهالعالم اذا تعمقتين فيه عدل يخوف
من جدي اني مو كلش اغوص فيه خخخخخ
بس اذا اخدت ليي حجر اقرا شنو عنه وفوايده
واغلب الاحجار ما تناسب اللي قلوبهم ضعيفه وبسرعه يتأثرون

ام هادي اني ماعندي حجر صيني خخخ
افكر اخد ليي بس الحين يمكن لا خخخخ
زوجي عنده
ترانيم يسلمو عالمرور